مسلم أو مسيحى .. امتى كنا بنسأل ؟؟

من طرف **abo mody** الأحد 8 مايو 2011 - 22:52

اسكندرية كانت وكانت زمان

ع الارض جنة وكان الامان

يسري بهواها من موانيها لحد اليونان

مسلمين قبط اجريج ورومان

مكانش يفرق ما بينا حدود او مكان

وف ليلة العيد الكل هلل جرس وادان

والعيال نازلة تلعب محمد ومينا ومريم وايمان

لابسين هدوم العيد وبالوناتهم الوان الوان

وفجاة سمعنا صوت الغدر يدوى فى الودان

ويسكت صوت العيال وينتهى الاحتفال بكان وكان

كان هنا اب هيدى لولاده العيدية وهو فرحان

كان هنا شاب نفسه بكره يكون عالم او فنان

كان هنا فى ام حاضنة ولادها بحب حنان

الكل راح وطلع صريخه للبراح بدون عنان

ايه اللى حصل فيكى يا مصر راح فين الامان

ليه تسمحى لايد الغدر تحول عيدك احزان

ليه سكتى وطنشتى لحد ما الكل فيكى اتهان

ليه سمحتى للى عاوزين يقطعوكى من الشريان للشريان

يدخلواو يقلعوكى من جدورك يا اغلى الاوطان

اللى حصل مش هيعدى لازم تجيبى حق الشيوخ والرهبان

امسحى دمعنا ولمى فى حضنك الاهل والخلان

جففى دمنا اللى سال على ارضك وعليكى هان

هاتى حقنا من كل غادر جبان

مش قادر يكون نفسه ولربه خان

عاوز يخلص من فشله ويموت نفسه قبل الاوان

يقوم بخيبته يتمسح ويلصق جريمته بالاسلام

قومى يا مصر يالا كفايانا وكفياكى هوان

وحدى الصف وحاسبى اللى سمع تهديدنا

وعمل نفسه مش سمعان

مسلم أو مسيحى .. امتى كنا بنسأل ؟؟ 2-2_8_3_2011_59_25

مسلم أو مسيحى .. امتى كنا بنسأل ؟؟ 9ower.come1a613048771031