منتدى اصحاب ابو مودى
اخى الغالى الكريم اهلا وسهلا معنا ويسعدنا والله انضمامك لاسرة منتدانا

انضم إلى المنتدى ، فالأمر سريع وسهل

منتدى اصحاب ابو مودى
اخى الغالى الكريم اهلا وسهلا معنا ويسعدنا والله انضمامك لاسرة منتدانا
منتدى اصحاب ابو مودى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى اصحاب ابو مودى

منتدى شبابى مصرى وعربى

  • الرئيسية
  • البوابة
  • أحدث الصور
  • التسجيل
  • دخول

حدوتة مصرية مع أمين وبهية

2 مشترك

منتدى اصحاب ابو مودى :: الفئة الأولى :: القصص الواقعية والروايات

اذهب الى الأسفل

حدوتة مصرية مع أمين وبهية Empty حدوتة مصرية مع أمين وبهية

مُساهمة من طرف mona kabara الجمعة 8 أبريل 2011 - 2:13







حدوتة مصرية
- ربي لا يعيدها -
مع
أمين وبهية ..
.........



حدوتة مصرية مع أمين وبهية Bg-198:
ادى لبهية الإذن تخرج.
أمين :
تعمل إيه ؟


حدوتة مصرية مع أمين وبهية Bg-198:
ع الأقل تشوف أبوها
أمين :
فاضل إيه هاتشوفه فيه !


حدوتة مصرية مع أمين وبهية Bg-198:
برضو تحضر دفنته وتودعه
قبل مايضمه التراب


أمين:
والعيال ..
فكروا.. لزمتها إيه البهدلة

حدوتة مصرية مع أمين وبهية Bg-198:
" أريد أبويا منشال في قفة
والرأى منه والشورة تكفي


حدوتة مصرية مع أمين وبهية Get-4-2011-rj0gbhk0 بهية ( لابسة توب الحداد ) :
وان لبسوني الخلخال أبو مية
اللي ببوها تعيش قوية !
وإن لبسوني الجوخ ما أريده
أريد أبويا وسكتي في إيده
ياللي ببوكي ماتقعديش جنبي
لَتقولي أبويا ..تقطّعي قلبي "



أمين ( بعد ماخرجت بهية ) :
كان يوم أسود..يوم ماعرفت
حدوتة مصرية مع أمين وبهية Bg-198:
يوم ماجيت جايب حماتك !
أمين :
الولية وبنتها
نصبوا في شقتنا مَيّتم
عنها واتلموا الجارات
كل جارة بتنعي هم
حدوتة مصرية مع أمين وبهية Bg-198:
والهموم حواليكوا ياما
أمين :
كل بيت على همه مكفي
حدوتة مصرية مع أمين وبهية Bg-198:
ربنا ف عون الجميع
وبهية ؟!
أمين :
بطلت تاكل وتشرب
حدوتة مصرية مع أمين وبهية Bg-198:
ياندامة ولسه صايمة ؟!
أمين ( يضحك ) :
هيه مين !
هيه صامت غير يومين ؟!
حدوتة مصرية مع أمين وبهية Bg-198 :
الزمن أحسن دوا
الزمن للجرح مرهم
الزظمن يقدر على كل الجروح
اللي مافي ..جرح يقدر يغلبه !!

أمين :
حد بيعيش لأجل حد
لما يعني حد كان هيموت لحد ؟
دا اللي هف البحر منها تلات ولاد
لسه عايشة
حدوتة مصرية مع أمين وبهية Bg-198 :
لسه عايشة ؟!
أمين :
عايشة وبتاكل وبتشرب
فاضل ايه م الحسرة غير توب الحداد

حدوتة مصرية مع أمين وبهية Get-4-2011-rj0gbhk0 بهية ( شايلة ابنها بتهدهده لأجل ينام ) :
بقك بق التاتا..
بده رقاقة وأنا أبطط له
بقك بق الوزة ..
بده الوزة وأنا أكسرله
بقك بق الدحّة ..
بده الفرخة وأنا أدبح له
يابا تعالى
بجيوبك ملانة
بدى رقاقة ووزة ودحّة

أمين :
الجيوب فعلاً ملانة
مش ناقصنا أى حاجة
بهية :
نحمده
أمين :
دوج دوج بس أعيش
( ويقوم ويمشي )

حدوتة مصرية مع أمين وبهية Bg-198:
فات كتير ؟.. قول ياقمر ؟
الزمن له قيمة للإنسان صحيح
بس إيه قيمة الزمن ..
للبحور
والجبال
والصحارى
والنجوم
والقمر؟!
القمر بره الزمن..
بس عقرب للزمن !
بالمناسبة يابهية ..
فين أمين ؟!


حدوتة مصرية مع أمين وبهية Get-4-2011-rj0gbhk0 بهية :
أنا عارفة !!

حدوتة مصرية مع أمين وبهية Bg-198:
ياترى في الكامب لسه ؟!

بهية :
كامب إيه ! ..
ماخلاص راحت عليه ..

حدوتة مصرية مع أمين وبهية Bg-198:
ألف مبروك اللي سابه


حدوتة مصرية مع أمين وبهية Get-4-2011-rj0gbhk0 :
ليه بقى !..
هو يعني الكامب ماله
والله كنا مبسوطين ..

حدوتة مصرية مع أمين وبهية Bg-198:
مبسوطين يابهية برضو !
حدوتة مصرية مع أمين وبهية Get-4-2011-rj0gbhk0 بهية :
كنا عايشين والسلام ..
طب ياريت أيامه دامت !

حدوتة مصرية مع أمين وبهية Bg-198:
تفى من بقك ياشيخة
تفي ..
فال الله ياشيخة ..
ولا ..فالك
بس ماعرفناش ياعالم
حصل إيه !

حدوتة مصرية مع أمين وبهية Get-4-2011-rj0gbhk0 بهية :
زى مابيحصل تمام في الحواديت
انقلبت حال البلد بين يوم وليلة
ماتقولوش اتعفرتت !
زى مارد وانطلق من جوه قمقم
ولا.زبحر بقاله نايم كام سنة
وانتفض على ريح قويّة
ياخرابي يابهية ..
تحكي إيه ..
ولا إيه ..ولا إيه !

حدوتة مصرية مع أمين وبهية Bg-198: قولي قولي ..
احنا يعني ورانا حاجة !


تحياتي ..
ونكمل كلامنا بكرة بعد العشاء..
على ضوء القمراية
ونشوف إيه حكاية أمين ويّا بهية
انتظرونا.....


حدوتة مصرية مع أمين وبهية Get-4-2011-87g42kfm








mona kabara
mona kabara
مـــدير المنتـــدى
مـــدير المنتـــدى

عدد المساهمات : 86
نقاط : 818
تاريخ التسجيل : 15/10/2009

الرجوع الى أعلى الصفحة اذهب الى الأسفل

حدوتة مصرية مع أمين وبهية Empty رد: حدوتة مصرية مع أمين وبهية

مُساهمة من طرف mona kabara السبت 9 أبريل 2011 - 0:51









حدوتة مصرية مع أمين وبهية Get-4-2011-rj0gbhk0 بهية:

كل رجالة البلد شالوا السلاح
يطلعوا من بين عيالهم نص ليل
يرجعولهم وش فجر..
والبيوت بتنام وتصحى ع الرصاص
وعلى قولة كنال
وافتكرت ..
يوم مافرجني أمين
ع البحر الأبيض
والكنال ..
وقعد يحكيلي يومها
حاجات تشيّب .....

حدوتة مصرية مع أمين وبهية Bg-198: زى إيه ؟!

حدوتة مصرية مع أمين وبهية Get-4-2011-rj0gbhk0 بهية:

الكنال ده يعني إيه !
واللي فاحته يبقى مين !..
واللي غرقوا فيه عشان غيرهم يعود
واللي ولّع واللي حمّر واللي قشّر
واللي خد حتة وحتيتة ..
علشان تفضل ستيته..
زيّي..ماتعرفش حاجة !
المهم ..كله كوك
وأمين وحكايته كوم!

حدوتة مصرية مع أمين وبهية Bg-198: كان بيرجع هو راخر وش فجر ؟!

حدوتة مصرية مع أمين وبهية Get-4-2011-rj0gbhk0 بهية:

أيوه أيوه
بس مش سكران ياناس ..

حدوتة مصرية مع أمين وبهية Bg-198: غريبة !

بهية : يبقى ليه أُمال بيسهر ؟

حدوتة مصرية مع أمين وبهية Bg-198: عنده شغل.

بهية : شغل بالليل يا أمين ؟!

حدوتة مصرية مع أمين وبهية Bg-198: غيّروا ورديته .

بهية : بصراحة..
الفيران لعبت في عبي !

حدوتة مصرية مع أمين وبهية Bg-198: وافتكرتيه لاف بغيرك ؟!

حدوتة مصرية مع أمين وبهية Get-4-2011-rj0gbhk0 بهية:

أيوه ..بس ماقلتهاش
حتى لأمي
والله كانت تتنقط
هيه ناقصة
ولا عاد فيها ياعيني
من جراير موت أبويا ؟!
كنت ضامة جناحي ع الجرح اللي فيه..
آه ياخيبتك يابهية
وأقعد أستناه ليالي
وأنا بنزّف..
بس من غير النزيف مايبان عليا !

الأم : انتي صاحية يابهية ؟

بهية : صاحية يامه

الأم : برضو جوزك لسه برة ؟!

بهية : لسه يامه

الأم : إيه حكايته ؟

بهية : حجة الغايب معاه ..

الأم : ماهو طبعاً..
أنا يعني قلت حاجة !
كل راجل حجته دايماً معاه
لما يسهر برة ويسهّر مراته..
أُمال إيه !..الحرص واجب
والحويط يعمل حسابه للطوارئ ..

بهية : قصدك إيه ؟

الأم : ولا حاجة ..
أنا يعني قلت حاجة !
ماانتي هبلة
طالعة خايبة
انما خيبتك قوية
انتي ليه مش طالعة لأمك ؟

بهية : يامه قولي قصدك إيه
خلصيني ..ياتسكتي

الأم : ما أنا ساكتة..
ساكتة أهو..
أنا يعني قلت حاجة !
مالي أنا ومال البصل ..
هو حر في قشرته

( خبط ع الباب )

حدوتة مصرية مع أمين وبهية Bg-198: افتحي له يابهية ..

حدوتة مصرية مع أمين وبهية Get-4-2011-rj0gbhk0 بهية:

هو مين!
اللي جاي ده مش أمين
أصل عادته لما يخرج كل ليلة
ياخد المفتاح معاه

( الخبط تاني ع الباب )
حدوتة مصرية مع أمين وبهية Bg-198: يبقى مين دا ياترى ؟!
بهية : أم صابر
جارة لينا..
جاية تسأل عن راجلها ..

حدوتة مصرية مع أمين وبهية Bg-198: وانتوا مالكم !

حدوتة مصرية مع أمين وبهية Get-4-2011-rj0gbhk0 بهية:
إلا مالنا !..
ماهو برضه ذى جوزى ..
شغلته عامل في كامب الإنجليز
وكمان أصحاب بقالهم كام سنة
روح بِروح
يخرجوا دايماً سوا..
يسهروا دايماً سوا..
يرجعوا دايماً سوا..
يعني تسأل غيرنا مين ؟!

حدوتة مصرية مع أمين وبهية Bg-198: قلتي إيه !

حدوتة مصرية مع أمين وبهية Get-4-2011-rj0gbhk0 بهية:
قلت والله ياختى ما أعرف .
ما أنا رُخرة قاعدة أصقف
وأمين راخر
مسهرني الليالي
في الدرك ذى الغفير !

حدوتة مصرية مع أمين وبهية Bg-198: قالت إيه !

مخولتني..
أتابيهم سابوا كامب الإنجليز
من زمان !

الأم : وانتي نايمة في العسل !..
مش بقولك ؟

حدوتة مصرية مع أمين وبهية Get-4-2011-rj0gbhk0 بهية:

نايمة فين !
طب دانا سهرانة فيه..
هو فاضل فيك ياكامب
م البلد صريخ يومين !
كل عمال البلد
كلهم ..بين يوم وليلة
سابوا كامب الإنجليز !!

حدوتة مصرية مع أمين وبهية Bg-198: طب وليه ؟!

بهية : أصلهم شطبوا المعاهدة ..

حدوتة مصرية مع أمين وبهية Bg-198: والمعاهدة تبقى إيه ؟!

حدوتة مصرية مع أمين وبهية Get-4-2011-rj0gbhk0 بهية:

طب وعهد الله ياعالم..
أنا مااعرف هيه إيه ...
إنما جارتي قالتلي ...

حدوتة مصرية مع أمين وبهية Bg-198: قالت إيه ؟

حدوتة مصرية مع أمين وبهية Get-4-2011-rj0gbhk0 بهية:

المعاهدة تبقى عقد
أيوه ..عقد جواز تمام
بين بلدنا وبين حكومة الإنجليز

حدوتة مصرية مع أمين وبهية Bg-198: يعني إيه ؟

حدوتة مصرية مع أمين وبهية Get-4-2011-rj0gbhk0 بهية:

يعني لما مصر تزعل
ولا تطلب في الزعل مرة الطلاق ..
يطلبوها الإنجليز
ذى جارية لبيت طاعتهم
ويجيبوها بالعساكر للسراير ..

حدوتة مصرية مع أمين وبهية Bg-198: حاجة تكسف ..

بهية : لأ دى وكسة
والله وكسة

حدوتة مصرية مع أمين وبهية Bg-198: ألف مبروك يابهية
انهم شطبوا المعاهدة ..

حدوتة مصرية مع أمين وبهية Get-4-2011-rj0gbhk0 بهية:

اصبوا طيب شوية
انتوا لسه شفتوا حاجة !

حدوتة مصرية مع أمين وبهية Bg-198: لسه إيه ؟!!



وتعالولنا بكرة في نفس الميعاد إن شاء الله
عشان نحكي ونقول إيه حكاية بهية وأمين ..

انتظرونا....................


خالص تحياتي ..



حدوتة مصرية مع أمين وبهية Get-4-2011-87g42kfm










mona kabara
mona kabara
مـــدير المنتـــدى
مـــدير المنتـــدى

عدد المساهمات : 86
نقاط : 818
تاريخ التسجيل : 15/10/2009

الرجوع الى أعلى الصفحة اذهب الى الأسفل

حدوتة مصرية مع أمين وبهية Empty رد: حدوتة مصرية مع أمين وبهية

مُساهمة من طرف abo mody الإثنين 11 أبريل 2011 - 9:53

abo mody
abo mody
Admin
Admin

عدد المساهمات : 504
نقاط : 5984
تاريخ التسجيل : 11/10/2009
العمر : 61

https://osos.ahlamountada.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

منتدى اصحاب ابو مودى :: الفئة الأولى :: القصص الواقعية والروايات

 
صلاحيات هذا المنتدى:
لاتستطيع الرد على المواضيع في هذا المنتدى