بحبك يا مصر ...

ميت ألف فرصه عشان أسيب مصر ولا عمري سبتها علشان هى بلادي اللي بجد بحبها.. بحبها بكدبها وصدقها بحب فيها أصالة وطيبة أهلها بحب فيها السهر بحب نيلها وبحرها بحب فيها طلعه الشمس تنور وشها بحب فيها القمر طالع يغازل حسنها بحب فيها المشي علي شط نيلها وبحرها بحب فيها بناتها راسمين ملامح شعبها دي بنت حلوة وحاطه ورده فـشعرها ودي بنت جد ونازله جري لشغلها هتلاقي فين بلد زيها ..فيها الكنايس والجوامع بتحضن بعضها مسلم مسيحي إخوات راضعين من طيبة صدرها نبع الحنان ويناموا حاضنين أرضها هتلاقي فين تاني بلد كل حاجه فيها تخليك تحبها

هتقولي ظالمه هاقولك برضه بحبها .. هتقولي ضالمه .. هاقولك ده سواد شعرها.. هتقولي زحمه .. هقولك علشان بنعشق أرضها هتقولي فيها فساد هقولك ده من طيبه شعبها .. جرب كده تسهر ولو وحدك علي شط نيلها وحبها جرب تشوف بنت حلوه مع شاب واقف جنبها بيحبها وشايل في قلبه هموم الدنيا كلها وبرضه بيحبها .. جرب كده تاكل دره وترمس علي شطها وتشوف وشوش الناس واضحك زيها.

طب وإنت ماشي لوحدك ووقعت في مشكله مش بتلاقي ألف واحد جنبك بيحلها لا تعرفهم ولا يعرفوك بس جمعكم حبها اهي هي دي مصر زاحمه ظالمه فاسده ضالمه مش مهم المهم خفة دمها هأفضل لمصر أقول وأعيد أنا أصلي عاشق ترابها وأرضها

قصيده (قالولى بتحب مصر)

ل تميم البرغوثى

بحبك يا مصر ... 7814

بحبك يا مصر ... 555-450x450_%D8%B4%D9%83%D8%B1%D8%A7-%D9%8A%D8%A7-%D9%85%D8%B5%D8%B1