هانتقابل مجرد صدفة بلا اشواق ولا لهفة

هنتقابل مجرد صدفة  ..
بلا أشـــــــــــــواق ولا لهفة
وهانطوح عيوننا بعيد ..
عشان ما نشوفشى بعضينا
مفيش بينا خلاص مواعيد ..
ولا أحــــــــــــلام تنادينا
مادام الأيد ماهيش فى الأيد ..
مادام السكة مش لينــا
هنتقابل وهانحـــاول
نتوه عن بعض فى السكة
وننسى ملامح الذكرى ..
وننسى الغنوة والنغمة
وننسى عشان الناس كمان تنسى
ونرسم صورة الأحزان ..
فى آخــــــر ورقة فى الدفتر
هنتقابل أنا وانت  ..
مجرد صــــدفة مش أكتر