منتدى اصحاب ابو مودى
اخى الغالى الكريم اهلا وسهلا معنا ويسعدنا والله انضمامك لاسرة منتدانا

حدوتة مصرية مع أمين وبهية

استعرض الموضوع السابق استعرض الموضوع التالي اذهب الى الأسفل

حدوتة مصرية مع أمين وبهية

مُساهمة من طرف mona kabara في الجمعة 15 أبريل 2011 - 23:56





حدوتة مصرية
- ربي لا يعيدها -
مع
أمين وبهية ..

.........


:
ادى لبهية الإذن تخرج.

أمين :
تعمل إيه ؟



:
ع الأقل تشوف أبوها

أمين :
فاضل إيه هاتشوفه فيه !



:
برضو تحضر دفنته وتودعه

قبل مايضمه التراب


أمين:
والعيال ..
فكروا.. لزمتها إيه البهدلة

:
" أريد أبويا منشال في قفة
والرأى منه والشورة تكفي


بهية ( لابسة توب الحداد ) :
وان لبسوني الخلخال أبو مية
اللي ببوها تعيش قوية !
وإن لبسوني الجوخ ما أريده
أريد أبويا وسكتي في إيده
ياللي ببوكي ماتقعديش جنبي
لَتقولي أبويا ..تقطّعي قلبي "


أمين ( بعد ماخرجت بهية ) :
كان يوم أسود..يوم ماعرفت
:
يوم ماجيت جايب حماتك !
أمين :
الولية وبنتها
نصبوا في شقتنا مَيّتم
عنها واتلموا الجارات
كل جارة بتنعي هم
:
والهموم حواليكوا ياما
أمين :
كل بيت على همه مكفي
:
ربنا ف عون الجميع
وبهية ؟!
أمين :
بطلت تاكل وتشرب
:
ياندامة ولسه صايمة ؟!
أمين ( يضحك ) :
هيه مين !
هيه صامت غير يومين ؟!
:
الزمن أحسن دوا
الزمن للجرح مرهم
الزظمن يقدر على كل الجروح
اللي مافي ..جرح يقدر يغلبه !!

أمين :
حد بيعيش لأجل حد
لما يعني حد كان هيموت لحد ؟
دا اللي هف البحر منها تلات ولاد
لسه عايشة
:
لسه عايشة ؟!
أمين :
عايشة وبتاكل وبتشرب
فاضل ايه م الحسرة غير توب الحداد

بهية ( شايلة ابنها بتهدهده لأجل ينام ) :
بقك بق التاتا..
بده رقاقة وأنا أبطط له
بقك بق الوزة ..
بده الوزة وأنا أكسرله
بقك بق الدحّة ..
بده الفرخة وأنا أدبح له
يابا تعالى
بجيوبك ملانة
بدى رقاقة ووزة ودحّة

أمين :
الجيوب فعلاً ملانة
مش ناقصنا أى حاجة
بهية :
نحمده
أمين :
دوج دوج بس أعيش
( ويقوم ويمشي )

:
فات كتير ؟.. قول ياقمر ؟
الزمن له قيمة للإنسان صحيح
بس إيه قيمة الزمن ..
للبحور
والجبال
والصحارى
والنجوم
والقمر؟!
القمر بره الزمن..
بس عقرب للزمن !
بالمناسبة يابهية ..
فين أمين ؟!


بهية :
أنا عارفة !!

:
ياترى في الكامب لسه ؟!

بهية :
كامب إيه ! ..
ماخلاص راحت عليه ..

:
ألف مبروك اللي سابه


:
ليه بقى !..
هو يعني الكامب ماله
والله كنا مبسوطين ..

:
مبسوطين يابهية برضو !
بهية :
كنا عايشين والسلام ..
طب ياريت أيامه دامت !

:
تفى من بقك ياشيخة
تفي ..
فال الله ياشيخة ..
ولا ..فالك
بس ماعرفناش ياعالم
حصل إيه !

بهية :
زى مابيحصل تمام في الحواديت
انقلبت حال البلد بين يوم وليلة
ماتقولوش اتعفرتت !
زى مارد وانطلق من جوه قمقم
ولا..بحر بقاله نايم كام سنة
وانتفض على ريح قويّة
ياخرابي يابهية ..
تحكي إيه ..
ولا إيه ..ولا إيه !

: قولي قولي ..
احنا يعني ورانا حاجة !


تحياتي ..
ونكمل كلامنا بكرة بعد العشاء..
على ضوء القمراية
ونشوف إيه حكاية أمين ويّا بهية
انتظرونا.....














avatar
mona kabara
مـــدير المنتـــدى
مـــدير  المنتـــدى

عدد المساهمات : 86
نقاط : 818
تاريخ التسجيل : 15/10/2009

الرجوع الى أعلى الصفحة اذهب الى الأسفل

رد: حدوتة مصرية مع أمين وبهية

مُساهمة من طرف mona kabara في الإثنين 18 أبريل 2011 - 3:10





بهية:

كل رجالة البلد شالوا السلاح
يطلعوا من بين عيالهم نص ليل
يرجعولهم وش فجر..
والبيوت بتنام وتصحى ع الرصاص
وعلى قولة كنال
وافتكرت ..
يوم مافرجني أمين
ع البحر الأبيض
والكنال ..
وقعد يحكيلي يومها
حاجات تشيّب .....

: زى إيه ؟!

بهية:

الكنال ده يعني إيه !
واللي فاحته يبقى مين !..
واللي غرقوا فيه عشان غيرهم يعود
واللي ولّع واللي حمّر واللي قشّر
واللي خد حتة وحتيتة ..
علشان تفضل ستيته..
زيّي..ماتعرفش حاجة !
المهم ..كله كوك
وأمين وحكايته كوم!

: كان بيرجع هو راخر وش فجر ؟!

بهية:

أيوه أيوه
بس مش سكران ياناس ..

: غريبة !

بهية : يبقى ليه أُمال بيسهر ؟

: عنده شغل.

بهية : شغل بالليل يا أمين ؟!

: غيّروا ورديته .

بهية : بصراحة..
الفيران لعبت في عبي !

: وافتكرتيه لاف بغيرك ؟!

بهية:

أيوه ..بس ماقلتهاش
حتى لأمي
والله كانت تتنقط
هيه ناقصة
ولا عاد فيها ياعيني
من جراير موت أبويا ؟!
كنت ضامة جناحي ع الجرح اللي فيه..
آه ياخيبتك يابهية
وأقعد أستناه ليالي
وأنا بنزّف..
بس من غير النزيف مايبان عليا !

الأم : انتي صاحية يابهية ؟

بهية : صاحية يامه

الأم : برضو جوزك لسه برة ؟!

بهية : لسه يامه

الأم : إيه حكايته ؟

بهية : حجة الغايب معاه ..

الأم : ماهو طبعاً..
أنا يعني قلت حاجة !
كل راجل حجته دايماً معاه
لما يسهر برة ويسهّر مراته..
أُمال إيه !..الحرص واجب
والحويط يعمل حسابه للطوارئ ..

بهية : قصدك إيه ؟

الأم : ولا حاجة ..
أنا يعني قلت حاجة !
ماانتي هبلة
طالعة خايبة
انما خيبتك قوية
انتي ليه مش طالعة لأمك ؟

بهية : يامه قولي قصدك إيه
خلصيني ..ياتسكتي

الأم : ما أنا ساكتة..
ساكتة أهو..
أنا يعني قلت حاجة !
مالي أنا ومال البصل ..
هو حر في قشرته

( خبط ع الباب )

: افتحي له يابهية ..

بهية:

هو مين!
اللي جاي ده مش أمين
أصل عادته لما يخرج كل ليلة
ياخد المفتاح معاه

( الخبط تاني ع الباب )
: يبقى مين دا ياترى ؟!
بهية : أم صابر
جارة لينا..
جاية تسأل عن راجلها ..

: وانتوا مالكم !

بهية:
إلا مالنا !..
ماهو برضه ذى جوزى ..
شغلته عامل في كامب الإنجليز
وكمان أصحاب بقالهم كام سنة
روح بِروح
يخرجوا دايماً سوا..
يسهروا دايماً سوا..
يرجعوا دايماً سوا..
يعني تسأل غيرنا مين ؟!

: قلتي إيه !

بهية:
قلت والله ياختى ما أعرف .
ما أنا رُخرة قاعدة أصقف
وأمين راخر
مسهرني الليالي
في الدرك ذى الغفير !

: قالت إيه !

مخولتني..
أتابيهم سابوا كامب الإنجليز
من زمان !

الأم : وانتي نايمة في العسل !..
مش بقولك ؟

بهية:

نايمة فين !
طب دانا سهرانة فيه..
هو فاضل فيك ياكامب
م البلد صريخ يومين !
كل عمال البلد
كلهم ..بين يوم وليلة
سابوا كامب الإنجليز !!

: طب وليه ؟!

بهية : أصلهم شطبوا المعاهدة ..

: والمعاهدة تبقى إيه ؟!

بهية:

طب وعهد الله ياعالم..
أنا مااعرف هيه إيه ...
إنما جارتي قالتلي ...

: قالت إيه ؟

بهية:

المعاهدة تبقى عقد
أيوه ..عقد جواز تمام
بين بلدنا وبين حكومة الإنجليز

: يعني إيه ؟

بهية:

يعني لما مصر تزعل
ولا تطلب في الزعل مرة الطلاق ..
يطلبوها الإنجليز
ذى جارية لبيت طاعتهم
ويجيبوها بالعساكر للسراير ..

: حاجة تكسف ..

بهية : لأ دى وكسة
والله وكسة

: ألف مبروك يابهية
انهم شطبوا المعاهدة ..

بهية:

اصبروا طيب شوية
انتوا لسه شفتوا حاجة !

: لسه إيه ؟!!



وتعالولنا بكرة في نفس الميعاد إن شاء الله
عشان نحكي ونقول إيه حكاية بهية وأمين ..

انتظرونا....................


خالص تحياتي ..














avatar
mona kabara
مـــدير المنتـــدى
مـــدير  المنتـــدى

عدد المساهمات : 86
نقاط : 818
تاريخ التسجيل : 15/10/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى